Venezuelako hainbat eremu astindu dituzten azken lurrikarek ehunka hildako, desagertu eta zauritu utzi dituzte, eta kalte handiak eragin dituzte eraikinetan eta azpiegituretan. Hondamendi humanitario horren aurrean, munduko herriok premiazko erantzuna eman behar dugu.
Horregatik, intsumo mediko eta sanitarioak eta funts ekonomikoak biltzeko premiazko kanpaina bat bultzatzen dugu, eragindako komunitateen beharrei erantzuteko, lurraldeekin eta tokian lan egiten duten eragileekin koordinatuta.
Mundu guztiari dei egiten diogu ekimen solidario honetan parte hartzeko. Ekarpen bakoitzak, txikia izanda ere, gehien behar duten pertsonei beharrezko baliabideak helarazten lagunduko du. Izan ere, Venezuelako herriak gaur bizi duen hondamendi naturalaren aurrean, herrien arteko elkartasuna da gure erantzunik onena. Elkartasunak ez du mugarik. Gaur, alde guztietatik babesa ematen diegu Venezuelako herriari eta kaltetutako pertsonen bizitzak zaintzeko eta berreraikitzeko lan nekaezina egiten duten guztiei.
